युनिकोड
चीनका लागि भारतीय राजदूत विक्रम मिश्रीले बिहीबार भारतले चीनबाट स्वास्थ्य सामग्री सहयोग पाउने बताएका छन्।
मिश्रीले ट्वीटमा भनेका छन्,‘चीनले ६ लाख ५० हजार कोरोना परीक्षण किट्स पठाएको छ।’
आरएनए एक्ट्र्याक्सन किट र एन्टीबडी टेस्ट किट चीनले भारत पठाएको जनाइएको छ।
मिश्रीले भारत र चीनबीच भारतको कोरोना भाइरस नियन्त्रण गर्ने विषयमा थप छलफल पनि भइरहेको जानकारी दिएका छन्।
कोरोना प्रकोपकैबीच यसअघि चीनले भारतलाई १ लाख ७० हजार स्वास्थ्य सामाग्री सहयोग गरेको थियो।
चीन र भारतबीचको सम्बन्ध जटिल भएतापनि कोरोना संक्रमणका बेला चीन भारतलाई सहयोग गर्न तयार भएको हो।
भारतमा हालसम्म १२ हजार ४५६ कोरोना संक्रमित छन्। त्यहाँ ४ सय २३ को मृत्यु भइसकेको छ। एजेन्सी
प्रतिक्रिया