हेटौँडाबाट स्याउ बोकेर काठमाडौँ आउँदै गरेको पिकअप गाडी दुर्घटनामा परेको छ।
प्रहरीका अनुसार स्याउ लिएर काठमाडौँतर्फ आउँदै गरेको ना३च ६२४५ नम्बरको पिकअप गाडी गएराति १ बजेतिर मकवानपुरको इन्द्रसरोवर गाउँपालिका-५ मकैबारीस्थित फाखेल-मातातीर्थ सडकखण्डमा दुर्घटना भएको हो।
प्रहरी चौकी फाखेलका अनुसार गाडी उकालोमा चढ्न नसकी ब्याक भई सडकबाट अन्दाजी २०० मिटर तल खसेको हो।
गाडी खस्न लागेपछि हामफाल्दा चालक पर्साको वीरगन्ज महानगरपालिका-१६, इनर्वा बस्ने अन्दाजी वर्ष २७ का लक्ष्मीप्रसाद यादव सामान्य घाइते भएका छन्।
सहचालक त्यही ठेगाना घर भएका अन्दाजी वर्ष ३० का रमेश पटेल भने गाडीमा ओट लगाउँदै गर्दा साइड लागी सकुशल रहेको प्रहरीले जनाएको छ।
घाइते चालकलाई स्थानीय क्लिनिकमा उपचारका लागि पठाइएको प्रहरीले जनाएको छ।
Shares
प्रतिक्रिया