युनिकोड
चीनका विदेश मन्त्री चिन काङ भारत भ्रमणमा निस्किने भएका छन्।
उनी भारत हुन लागेको विदेश मन्त्रीहरुको सम्मेलन जी-२० मा भाग लिन निस्किने भएका हुन्।
चीनले मंगलवार यसको पुष्टि गरेको छ। चीनले २ मार्चमा नयाँ दिल्लीमा हुन लागेको सम्मेलन उनी सामेल हुने जनाएको छ।
एक प्रेस वार्ताका क्रममा चिनियाँ विदेश मन्त्रालयका प्रवक्ता माओ निङ्गले जी-२० लाई विश्व अर्थव्यवस्थामा प्रमुख चुनौतीमा ध्यान दिनु जरुरी रहेको बताएका छन्।
चीन यसका लागि सबै पक्षसँग कुरा गर्न तयार रहेको उनले बताएका छन्। जी-२९ विदेश मन्त्रीको बैठक बहुपक्षवादमा सकारात्मक सन्देश दिन सफल हुने पनि उनले बताएका छन्।
जी-२० का सदस्य देशका विदेश मन्त्रीको सम्मेलनलाई भारतीय प्रधानमन्त्री नरेन्द्र मोदीले सम्बोधन गर्नेछन्। यसक्रममा उनले विश्वस्तरमा भारतको बढ्दो प्रभावबारे कुरा गर्ने भएका छन्।
समाचार अनुसार बैंगलोरमा जी-२० का वित्त प्रमुखहरुको बैठकपछि विदेश मन्त्रीहरुको बैठक हुन लागेको हो।
जी-२० सम्मेलनमा रूसका विदेश मन्त्री सर्गेई लावरोभ, अमेरिकी विदेश मन्त्री एन्टनी ब्लिङ्कन र बेलायतका विदेश सचिव जेम्स क्लेभरली सहभागी हुनेछन्। भारतले गैर-जी २० सदस्यसहित ४० देशका प्रतिनिधिलाई निम्ता दिएको छ।
प्रतिक्रिया