म्याक्स ओ डोडको विस्फोटक ब्याटिङ मद्दतमा काठमाडौंमा जारी टी–२० त्रिकोणात्मक शृंखलाअन्तर्गतको दोस्रो खेलमा नेदरल्याण्डले मलेसियासामु १ सय ९२ रनको लक्ष्य प्रस्तुत गरेको छ।
कीर्तिपुरस्थित त्रिवि क्रिकेट मैदानमा आइतबार जारी खेलमा टस जितेर ब्याटिङ गरेको नेदरल्याण्डले निर्धारित २० ओभरमा २ विकेटको क्षतिमा १ सय ९१ रनको योगफल तयार पारेको हो।
म्याक्स ओ डउड र वेन कुपरले ६९ बलकाे सामना गर्दै १ सय २५ रनको साझेदारी गरे।
७३ बलको सामना गरेका ओपनर डउडले १ सय ३३ रनको अविजित पारी खेले। उनले १५ चौका र ६ छक्का प्रहार गरे।
योसँगै डउड नेदरल्यान्ड्सका लागि टि–२० अन्तर्राष्ट्रिय शतक प्रहार गर्ने पहिलो खेलाडी पनि बने। ओ डउडले ५९ बलमा शतक हानेका थिए। यसअघि वर्तमान कप्तान पिटर शिलारको ९६ रनको स्कोर नै सर्वाधिक थियो। उनले १५ चौका र ६ छक्का प्रहार गरे।
कुपरले २० बलमा २ चौका मद्दतमा २० रनमा नटआउट रहे।
अर्का ओपनर टोबियस भिसे १ रनमा पवेलियन फर्के। स्कट एडवर्डसले ३१ रन जोड्दा एलबीडब्लु धरापमा परे।
न्युजिल्याण्डका ब्याट्सम्यानसामु निरिह देखिएका मलेसियाका पवनदिप सिंह र अन्वर रहमानले समान एक एक विकेट लिए।
मलेसियाका सैयद अजीजले आफ्नो स्पेलमा ४७ रन खर्चे पनि कुनै विकेट हात पार्न सकेनन्।
मलेसियाले केही बेरमा जवाफी ब्याटिङ गर्नेछ।
प्रतिक्रिया