सुदूरपश्चिमलाई पराजित गर्दै एपीएफले उचाल्यो ललितपुर मेयर कपको उपाधि

विभागीय टोली एपीएफले ललितपुर मेयर कप क्रिकेट प्रतियोगिताको उपाधि जितेको छ।

कीर्तिपुरस्थित त्रिभुवन विश्व विद्यालयको मैदानमा सम्पन्न खेलमा विभागीय टोली एपीएफले सुदूरपश्चिम प्रदेशलाई ८ विकेटले पराजित गर्दै उपाधि उचालेको हो। विजयी एपीएफले सम्पन्न प्रतियोगिता अपराजित यात्रालाई अन्तिम खेलमा पनि निरन्तरता दिँदै उपाधि उचाल्न सफल भएको हो।

सुदूरपश्चिम प्रदेशले प्रस्तुत गरेको १ सय ७ रनको लक्ष्य एपीएफले २२ बल बाँकी छँदै भेटाउन सफल भएको थियो। खेलमा ओपनर ज्योति पाण्डेले ३६ रनको योगदान गर्दा कप्तान सीता राना मगरले २७ रनको पारी खेलिन। इन्जु बर्मा र ममता चौधरीले क्रमश अविजित १९ र १५ रन जोड्दै टोलीलाई जिततर्फ डो¥याएका थिए । ओपनरद्वय ज्योति र सीता रानामगर दुबै रन आउट भएका थिए।

यसअघि पुरै २० ओभर खेल्दै सुदूरपश्चिमले ७ विकेट गुमाएर १ सय ६ रन जोेडेको थियो।

सर्वाधिक ४४ रन जोडेकी विन्दु रावल अविजित रहँदा डोली भट्टले १४ तथा रेवती धामीले १० र कविता कुँवरले १३ रन जोडेका थिए। यस्तै अन्य खेलाडीले भने एपीएफको कसिलो बलिङ सामु राम्रो स्कोर ल्याउन सकेनन्।

एपीएफका लागि बिनु बुढा, सीता रानामगर, सुष्मा श्रेष्ठ, करुणा भण्डारी र रेखा रावलले समान एक÷एक विकेट लिएका थिए।

सहज जित निकालेको विजेता एपीएफले ३ लाख रुपैयाँ नगद पुरस्कार प्राप्त ग¥यो। यस्तै उपविजेता बनेको सुदूपश्चिमले १ लाख ५० हजार रुपैयाँ प्राप्त ग¥यो।

पाँच टोलीले सहभागिता जानाएको प्रतियोगितामा उत्कृष्ट ब्याट्स वुमन प्रदेश १ की रुविना क्षेत्री चुनिँदा उत्कृष्ट बलर विनु बुढामगर घोषित भइन्। यस्तै विजयी टोलीकी कप्तान सीता रानामगर प्रतियोगिताको उत्कृष्ट खेलाडी बनिन्।

उत्कृष्ट ब्याट्स वुमन र बलरले जनही १५ हजार रुपैयाँ पाउँदा सर्वोत्कृष्ट सीताले नगद २५ हजार रुपैयाँ पारिन्। रासस