युनिकोड
प्रधानमन्त्री कप राष्ट्रिय महिला क्रिकेट प्रतियोगिताको उद्घाटन खेलमा लुम्विनी प्रदेश र प्रदेश २ भिड्ने भएका छन्।
नेपाल क्रिकेट संघ क्यानले आज पीएम कपका लागि सार्वजिक गरेको खेल तालिका अनुसार हरेक दिन २ खेल हुनेछ। प्रतियोगिताको दोस्रो खेलमा शसस्त्र प्रहरीको एपीएफ र कर्णाली प्रदेश खेल्नेछन्। दाङको लमहीमा हुने खेलमा सहभागी ८ टोलीलाई २ समुहमा विभाजन गरिएको छ।
समुह ए मा एपीएफ, प्रदेश २, कर्णाली र लुम्बीनी प्रदेश छन्। समुह बी मा सुदुरपश्चिम, बागमती, गण्डकी र प्रदेश १ रहेका छन्।
समूहका शीर्ष २ टोलीले सेमिफाइनलमा स्थान बनाउनेछन्। समूह ए को विजेता र समुह बी को उपजेताले पहिलो सेमिफाइनल खेल खेल्नेछन्। समूह बीको विजेता र ए को उपविजेता दोस्रो सेमिफाइनलमा भिड्नेछन्। प्रतियोगिताको फाइनल खेल पुष १९ गते हुनेछ।
प्रतिक्रिया