युनिकोड
राष्ट्रिय टोलीकी मिडफिल्डर अनिता बस्नेत सम्मिलित सेथु एफसीले भारतीय महिला लिगमा पहिलो हार बेहोरेको छ।
ब्यांग्लोर फुटबल स्टेडियममा मगंलबार भएको लिग चरणको आफ्नाे दोस्रो खेलमा साविक विजेता सेथु एफसी कृप्सा एफसीसँग २–० ले पराजित भएको हो।
सेथुले तेस्रो खेलमा बीबीके एफसीसँग बिहीबार प्रतिस्पर्धा गर्नेछ।
समुह ‘ए’ मा रहेको सेथुले पहिलो खेलमा कोहलपुर एफसीलाई ५–० ले हराउँदै विजयी सुरुवात गरेको थियो।
मंगलबारै भएको समूह ‘ए’ को अर्को खेलमा नेपाली राष्ट्रिय टोलीकी स्ट्राइकर सावित्रा भण्डारीले ह्याट्रिकसहित ५ गोल गरेपछि गोकुलम केरला एफसीले केन्क्रे एफसीलाई १०–१ ले पराजित गर्दै सानदार जित निकालेको थियो।
सोही मैदानमा भएको खेलमा नेपाली गोलमेसिन साम्बाले ५ गोल गरेकी थिइन्। खेलको ७ र १९ औं मिनेटमा गोल गरेकी सावित्राले पहिलो हाफको इन्जुरी समयमा ह्याट्रिक पूरा गरिन्। प्लेयर अफ दि म्याचसमेत बनेकी साम्बाले ४८ तथा ६१ औं मिनेटमा गोल गर्दै आफ्नो गोल सख्यां ५ पुर्याएकी थिइन्।
गोकुलमले लिगको पहिलो खेलमा श्रीभुमीलाई १–० ले पराजित गरेको थियो। सो खेलमा पनि सावित्राले ६७ औं मिनेटमा निर्णायक गोल गरेकी थिइन्।
गोकुलमले तेस्रो खेलमा आगामी शनिबार ओडिसा पुलिससँग खेल्नेछ।
प्रतिक्रिया