रुपन्देहीमा एक जना कोरोना संक्रमित महिलाको मृत्यु भएको छ।
भैरहवास्थित भीम अस्पतालमा उपचाररत रामग्राम नगरपािलका- ५, नवलपरासीकी ६५ बर्षीया महिलाको उपचारका क्रममा मृत्यु भएको अस्पतालका सूचना अधिकृत डा.नारायण पोखरेलले जानकारी दिए।
मधुमेह र प्रेसरकी बिरामी रहेकी उनको अस्पतालको आईसीयुमा राखेर उपचार गरिएको थियो।
कोरोना संक्रमण पुष्टि भएर स्वास्थ्यमा समस्या आएपछि उनलाई बुटवल धागो कारखानामा रहेको कोरोना विशेष अस्पतालमा लगिएको थियो। तर त्यहाँ आईसीयु उपलब्ध नभएपछि भदौ १५ गतेदेखि भीम अस्पतालको आईसीयुमा राखेर उपचार सुरु गरिएको थियो।
प्रतिक्रिया