कुपण्डोलमा हिँड्दाहिँड्दै सुनमायाको सुनको सिक्री लुटियो

ललितपुरको कुपण्डोलमा पैदलै हिँडिरहेकी महिलाको सुनको सिक्री लुटिएको छ।

सोमबार दिउँसो ललितपुर महानगरपालिका–१ कुपण्डोलस्थित सडकबाट पैदलयात्री सुनमाया तामाङको १ तोलाको सुनको सिक्री लुटिएको हो।

मोटरसाइकलमा सवार दुई जनाले सिक्री लुटेर फरार भएको प्रहरीले जनाएको छ।

हाल मोटरसाइकलको नम्बर खुलेको छैन। महानगरीय प्रहरी प्रभाग पुल्चोकले लुटपाटमा संलग्न रहेको शंकामा २ जनालाई पक्राउ गरेको छ।

थप अनुसन्धान भइरहेको ललितपुर प्रहरीले जनाएको छ।