युनिकोड
सुदूरपश्चिममा आज(शनिबार) थप १३ जनामा कोरोना संक्रमण पुष्टि भएको छ। योसँगै सुदूरपश्चिममा संक्रमितको सङख्या एक सय ५ पुगेको छ।
धनगढीस्थित सेती प्रादेशिक अस्पतालको प्रयोगशालामा गरीएको परीक्षणमा थप १३ जनामा कोरोना संक्रमण पुष्टि भएको हो।
नयाँ संक्रमितमा बझाङका ६, कैलाली र काठमाडौँका २-२, अछाम, कञ्चनपुर, डडेल्धुराका १-१ जना छन।
बझाङको खप्तडछान्ना गाउँपालिका-३ का २५, ३८, ५७ र ७० वर्षीय पुरुष तथा ४० वर्षीय २ महिलालाई कोरोना संक्रमण पुष्टि भएको हो।
पाँचजना भारत र एकजना काठमाडौंबाट आएका व्यक्तिमा संक्रमण पुष्टि भएको र उनीहरु गाउँपालिकाकै आइसोलेसनमा रहेको अस्पतालले जनाएको छ।
यस्तै कैलालीको गोदावरी नगरपालिका ४१ बर्षीय पुरुष, धनगढी उप–महानगरपालिका वडा नम्वर ४ की ५५ बर्षीय महिला, कञ्चनपुरको महाकाली नगरपालिका ३ का ३८ बर्षीय पुरुष, काठमाडौँका १८ र ३८ बर्षीय पुरुष, अछामको मंगलशैसन नगरपालिका वडा नम्वर १ की ५२ बर्षीय महिलामा कोरोना पुष्टि भएको हो।
प्रतिक्रिया