युनिकोड
मकवानपुरमा झगडा मिलाउन गएका प्रहरीमाथि नै आक्रमण भएको छ।
शनिबार राति हेटौंडा उपमहानगरपालिका–१३ पदमपोखरी सांगेटोलमा स्थानीय युवाबीच झगडा मिलाउन गएको प्रहरीमाथि नै ढुंगामुढा प्रहार भएको हो।
आफूमाथि नै आक्रमण हुन थालेपछि प्रहरीले हवाई फायर गरेर एक जनालाई नियन्त्रणमा लिएको छ। पक्राउ पर्नेमा हेटौंडा उपमहानगरपालिका–१२ पदमपोखरी मिलनटोलका २० वर्षीय रोशन बल रहेका छन्।
बा ९३ प ६०१४ नम्बरको स्कुटरसहित उनलाई प्रहरीले पक्राउ गरेको हो। स्थानीयले प्रहार गरेको ढंगामुढाले लागेर ईलाका प्रहरी कार्यालय पशुपतिनगरको बा १ झ ७५२७ नम्बरको गाडीको झ्याल र पछाडिको सिसा फुटेको छ।
झगडामा संलग्न अन्य व्यक्तिहरुको खोजी भइरहेको प्रहरीले जनाएको छ।
प्रतिक्रिया