युएईमा कोरोना भाइरसको संक्रमणमा परेका दुई नेपाली उपचार पश्चात निको भएका छन्।
यसरी निको भएर फर्केकाहरु को हुन् भन्ने परिचय भने खुलाईएको छैन।
ती दुई नेपाली सहित एक ईरानी पनि निको भएको युएईको स्वास्थ्य मन्त्रालयले जनाएको छ।
यूएईका लागि नेपाली राजदूत कृष्णप्रसाद ढकालले समेत संक्रमित नेपालीहरुलाई निको भएको पुष्टि गरेका छन्।
ढकालले ट्विट गर्दै सो कुराको जानकारी दिएका हुन्।
खुसीको खबर- युएइको स्वास्थ्य मन्त्रालय (Ministry of Health and Prevention) ले जनाएअनुसार COVID-१९ बाट संक्रमित २ जना नेपालीलाई स्वास्थ्यलाभ भएको छ। चुस्त उपचारका लागि युएइ सरकारलाई धन्यवाद। pic.twitter.com/lwgxwnpJnu
— Krishna Prasad Dhakal (@krishnadhakal07) March 23, 2020योसँगै युएईमा कोरोना संक्रमण भएका १ सय ९८ जना मध्ये ४१ जना निको भएका छन्।
यूएईमा सोमबारमात्रै थप ४५ जना कोरोना भाइरसका संक्रमित भेटिएको यूएईकी स्वास्थ्य विभाग अन्तर्गतको सरुवा रोग विभागकी प्रमुख डा. फरिदा अल हसनले जनाएकी छिन्।
उनका अनुसार ती ४५ जना १८ देशका नागरिक छन्। जसमध्ये ७ भारतीय, तीन बंगलादेशी, चार पाकिस्तानी समेत छन्।
प्रतिक्रिया