चीनबाट फर्किएका युवकमा कोरोनाको आशंका, सेती प्रदेशिक अस्पतालको आइसोलेसनमा राखियो

कोरोना भाइरस (कोभिड–१९) संक्रमणको आशंकामा चीनबाट फर्किएका एक युवक सेती प्रादेशिक अस्पतालमा भर्ना भएका छन्।

केही समयअघि चीनबाट फर्किएका कैलालीको धनगढीका युवक बिहीबार अस्पताल भर्ना भएका हुन्।

सेती प्रादेशिक अस्पतालका डा. जगदीशप्रसाद जोशीले ज्वरो, रुघाखोकी र छाती दुःख्ने समस्या देखिएपछि अस्पताल पुगेका युवकलाई आइसोलेसन वार्डमा राखिएको बताए।

ती युवक हालसालै चीनबाट फर्किएकाले उनलाई कोरोना भाइरस संक्रमण भएको आशंकामा आइसोलेसनमा राखिएको उानले बताए। उनको नमूना संकलन गरी काठमाडौँ पठाउने तयारी भइरहेका डाक्टर जोशीले बताए।

यसअघि पनि चीनबाट फर्किएकासहित गरी सुदूरपश्चिमकै चार जना शंकास्पद लक्षण देखिएपछि सोही अस्पताल भर्ना भएका थिए। उनीहरुको नमूना परीक्षण गरिएको थियो। तर, रिर्पोट नेगेटिभ आएपछि डिस्चार्ज गरिएको थियो।