कोरियामा एक नेपालीलाई कोरोना संक्रमणको आशंका (अपटेड)

सोमबार बिहानै सामाजिक सञ्जालमा कोरियाको ख्वाङजुमा एक नेपालीलाई कोरोना (कोभिड–१९) संक्रमण भएको खबर फैलियो।

ख्वाङजुस्थित एक अस्पतालमा विगत ४ दिनदेखि उपचार गराइरहेका ती नेपालीको तीन दिनअघि नै संक्रमण भएको पुष्टि भएको पूर्व सञ्चारकर्मीसमेत रहेका जोकराज कुलुङले सामाजिक सञ्जालमा उल्लेख गरेका छन्।

‘नाम नबताउने शर्तमा (तर मैरै चनजानको), ख्वाङजु स्थित एक अस्पतालमा विगत ४ दिनदेखि उपचारसेवा लिँदै, उनको ३ दिनअघि नै भाइरस संक्रमण पुष्टि भएको रहेछ’, सामाजिक सञ्जाल फेसबुकमा कुलुङले लेखेका छन्, ‘यो सूचना आतंकित बनाउन नभई ‘नेपाली मसाला खानेलाई कोरोनाले केही गर्दैन’ भन्दै सुरक्षामा लापरबाही गर्नेलाई सतर्कताका लागि हो।’

उनको स्टाटसमाथि प्रतिक्रिया व्यक्त गर्दै धेरैले संक्रमित भएका नेपालीलाई स्वास्थ्यलाभको कामना गरेका छन्। कतिले उनलाई झुठो समाचार फैलाएको भन्दै गालीसमेत गरेका छन्।

‘उनी हाम्रो चीन जानका एकदम नजिकका साथी हुन्’, नेपालखबरसँग कुरा गर्दै उनले भने, ‘सुरुमा मलाई पनि उनलाई संक्रमण भएको विश्वास लागेको थिएन। तर, पटकपटक सोध्दा मसँग र अरु साथीसँग पनि उनले संक्रमण भएको कुरा बताएका छन्।’

त्यसको पुष्टिका लागि उनले संक्रमित भएका व्यक्तिसँग भएको संवादको स्क्रिनसट समेत उपलब्ध गराएका छन्। सो स्क्रिनसटमा उनले आफ्नै भाषामा तीन पटकसम्म तपाईंलाई संक्रमण भयो भन्ने सुनियो भन्दै गरेको प्रश्नमा उनले आफूलाई संक्रमण भएको रिर्पोट अस्पतालले दिइसकेको उल्लेख गरेका छन्। नेपालमा रहेका परिवारलाई तनाव हुने कारणले ती संक्रमितको पहिचान भने कुलुङले खुलाउन चाहेनन्।

‘उनी पढेलेखेका र अंग्रेजी पनि बुझ्ने मान्छे हुन्। अस्पतालले दिएको रिपोर्ट उनले नबुझ्ने कुरो भन्ने हुन्न’ कुलुङले ती संक्रमितसँग भएको कुराकानी उदृत गर्दै भने, ‘उनीसँगको कुराकानीमा ‘आफूलाई चाँडै मर्न मन नभएको र कोरोना संक्रमणबाट बँचेर आउने’ भावुक कुरा गरेका छन्।’

कोरियामा एक आफ्नो चिनजानका मान्छेलाई कोरोना संक्रमण देखिएको स्टाटस लेख्ने कुलुङ र एनआरएनएले पुष्टि नभएको स्टाटस लेखेपछि त्यसमा आएका केही कमेन्ट

कुलुङका अनुसार कम्पनीमा बाहिरबाट समान डेलिभर गर्ने ड्राइभरबाट आफूलाई कोरोना सरेको ती संक्रमितको आशंका छ। उनी कार्यरत कम्पनीमा रहेका अरु नेपालीलाई भने कोरोना देखिएको खबर नआएको उनले बताए।

गैरआवासीय नेपाली(एनआरएन)ले भने यसको पुष्टि भइनसकेको जनाएको छ। एनआरएनए कोरियाका सचिव मनोज गौतमले आफूहरुले पनि हल्ला सुनेको तर आधिकारिक रुपमा केही आइनसकेको बताए।

एनआरएनए कोरियाले सामाजिक सञ्जालमा केहीअघि मात्रै एक पोस्ट लेख्दै आफूहरुले विभिन्न निकायसँग कुरा गर्दा त्यसको पुष्टि नभएको उल्लेख गरेको छ।

‘दक्षिण कोरियाको ख्वाङजु शहरमा एक जना नेपालीलाई कोरोना संक्रमण भएको भन्ने विभिन्न महानुभावले गर्नुभएको फेसबुक पोस्ट र सेयर प्रति हाम्रो ध्यानाकर्षण भएको छ,’ एनआरएनए कोरियाले लेखेको छ, ‘हामीले स्थानीय महानगरपालिका र परराष्ट्र मन्त्रालयसँग गरेको सोधपुछमा हालसम्म कुनै नेपालीमा कोरोन संक्रमण नदेखिएको सम्पूर्ण सबैमा जानकारी गरिन्छ।’

कोरना भाइरस सम्बन्धित झुटा र अतिरञ्जित समाचार वा अफवाहको प्रचार, प्रसार र प्रकाशन कोरियाको कानुन अनुसार बर्जित रहेको कोरियाको प्रचलित कानुन अनुसार हदैसम्मको दण्ड सजाय हुने भएको हुँदा झुटा, अतिरञ्जित र कपोकल्पित समाचार प्रचार–प्रसार र प्रकाशन नगर्न एनआरएनए कोरियाले अनुरोध गरेको छ।

सोही स्टाटसमा नेपालीलाई कोरोना भएको स्टाटस लेख्ने कुलुङले प्रतिक्रिया दिएका छन्, ‘हतारमा विज्ञप्ति निकाल्नुभन्दा पहिले पीडितसम्म पुगौं। अनि गोपनियताको विश्वास दिलाउनुस्। म भेटाउन्छु।’

कुलुङले नेपालखबरसँग पनि उनको गोपनियता कायम हुने विश्वास दिलाए एनआरएनए तथा दूतावासका कर्मचारीहरुलाई भेटाउन आफू तयार भएको बताए। आफूले एनआरएनएका अध्यक्ष यज्ञराज सुवेदीलाई ती व्यक्तिबारे जानकारी दिइसकेको र सुवेदीले उनीबारे सोधखोज गरिरहेको बताएका छन्।

यस्तै एनआरएनको स्टाटसमा नै अर्का एक व्यक्तिले समेत ती संक्रमित व्यक्ति आफ्नो चिनजानको मान्छे रहेको र प्रत्यक्ष सम्पर्कमा रहेको उल्लेख गरेका छन्।

उनले लेखेका छन्, ‘यो झुटो होइन। वहाँ हाम्रो चिनजानकै मान्छे हो। परिवारलाई जानकारी नदिने शर्तमा हाम्रो प्रत्यक्ष सम्पर्कमा हुनुहुन्छ। नाम इनबक्स गर्नुपर्छ भने हामी दिन सक्छौं। हाम्रो पनि एसएमएसमा कुरा भएको हो।’

त्यस्तै अर्का एक व्यक्तिले समाचार सम्प्रेषण गर्ने मान्छेले नै ग्यारेन्टी भनिसकेपछि अन्य व्यक्तिले अशोभनीय, असभ्य भाषमा गाली गरिहनु कहाँसम्मको जायज हो भनि लेखेका छन्।

यस विषयमा कोरियास्थित नेपाली राजदूतावासले भने हालसम्म कुनै प्रतिक्रिया दिएको छैन।

वैदेशिक रोजगार विभागको तथ्यांकअनुसार कोरियामा हाल ३५ देखि ४० हजार नेपालीहरु छन्।

कोरियामा हालसम्म कोरोनाको संक्रमणका कारण २६ जनाको मृत्यु भइसकेको छ भने ४२ सय १२ जनालाई हालसम्म संक्रमण देखिएको छ। चीनपछि कोरोनाको संक्रमण सबैभन्दा बढी देखिएको देश पनि कोरिया हो।

अपटेड:

सुरुमा नेपालीलाई कोरोना भाइरस रहेको स्टाटस लेखेर दाबी गर्ने पूर्व सञ्चारकर्मी कुलुङले आफ्नो सुचना सच्चाउँदै माफी मागेका छन्। उनले साथीहरुसँग च्याट ग्रुपमा भएको कुरालाई आफूले पत्याएर उक्त कुरा उल्लेख गरेको लेखेका छन्।

उनले नेपालीलाई कोरोना संक्रमणको शंका समेत दूर गरे।

उनले लेखेका छन्, आइतबार हिजाे सार्बजनिक बिदाकाे दिन निकटका मित्रहरूबीच बनाईएकाे ग्रुप म्यासेजमा गफिदै थियौँ। करिब बेलुकी ८ बजेतिर अचानक समूह भित्रकै Chaplin ले खबर ल्यायाे - Bharat Morokhu लाई काेराेना लाग्याे रे! आज ४ दिन भयाे अस्पतालमै छु भन्छ ।' शुरूमा पत्याएनाैं । अनि १/१ गर्दै सबैले कन्फर्म गर्याे । हाे लागेकै रहेछ ! २0 जनाकाे समूहमा १ मिनेट सासै अड्कियाे । काेही बाेलेनाै । चुपचाप । बल्ल त्यहीँ भित्रकै Nirmya Kulung Fonibu ले मूख खाले 'दुताबास, NRNA र नेपाली सम्पर्क समितिलाई खबर गराैं' । Madan KL काे जवाफ अायाे - हाेईन भरत के चाहान्छ त ? उसलाई फेरि सम्पर्क गर्याैं । हाेईन कसैलाई नभन्नु भनेर मेसेन्जरमै जवाफ आयाे । कलमै रहेका Alexia Waderee ले थपे -पैसाकाे आवश्यक्ता रहेछ भने कलेक्शन गराै है साथी हाे।
आजकाल काेरियामा हाछ्यू पनि बडाे महंगाे । एक पटक हाछ्यू आउँदा सीधै काेराेनाकाे सम्झना र दिमागमा पनि कुरेर बसेकाे नेपालकाे आफ्नाे परिवारमा आफू नभएकाे कल्पना गरेर मनै अमिलाे हुने । यस्ताे संबेदनशील समयमा हामीले उसकाे अपेक्षित गाेपनीयताकाे ख्याल गर्नै पर्थ्याे। बाहिर कसैलाई जानकारी पनि गराएनाैं र साेधेनाै पनि । सबैले आ-आफ्नाे ख्याल राख भन्दै अरूबेला बङ्गरा दुख्नेगरी हास्ने टिम ग्रहणले छाेपेकाे अनुहार लिएर बिदा भयाैं।'