नेपालमा बसेर चीनविरुद्ध साइबर अपराधमा संलग्न रहेको आरोपमा काठमाडौंमा पक्राउ परेका १ सय २२ जनामध्य ४२ जनालाई चीनले स्वदेश लगेको छ।
पक्राउ परेका १२२ जनालाई लिन चीन सरकारले चाइना इस्टर्न र चाइना साउदर्नका दुईवटा जहाज ल्याएको थियो। दुईमध्ये चाइना इस्टर्नको एमयू७१७६ मा ४२ जना पक्राउ परेका नागरिक र तीन सुरक्षाकर्मीलाई चीन लगिएको हो।
बाँकीलाई चाइना साउदर्नको उडान नं. सीजेट३००२ मार्फत चीन सफिर्ता पठाइने बताइएको छ।
केन्द्रीय अनुसन्धान ब्युरोको नेतृत्वमा प्रहरीको अपराध महाशाखा र काठमाडौं प्रहरीको संयुक्त कारबाहीमा पुस ७ गते १ सय २२ जना चिनियाँ नागरिक पक्राउ परेका थिए। नेपालमा बसेर चीनमा अनलाइन जुवा, बैंकिङ कसुर र अनलाइनमा अश्लील यौनजन्य सामग्रीको अवैध कारोबारमा संलग्न उनीहरु पर्यटन भिसामा नेपाल आएका थिए।
प्रतिक्रिया