युनिकोड
प्रदेश नम्बर २ को नाम र स्थायी राजधानी तोक्न जनता समाजवादी पार्टी (जसपा) र नेकपा माओवादी केन्द्रले प्रस्ताव दर्ता गरेका छन्।
जसपा र माओवादीले छुट्टाछुट्टै दुई प्रस्ताव दर्ता गरेको प्रदेशसभा सचिवालयका सचिव रञ्जित यादवले जानकारी दिए।
उनका अनुसार जसपा र माओवादीको प्रस्तावमा प्रदेशको नाम मधेस र राजधानी जनकपुरधाम बनाउन प्रस्ताव गरिएको छ।
प्रदेशसभा सचिवालयले स्थायी राजधानी र नामाका लागि वैशाख ९ गतेसम्मका लागि प्रस्ताव आह्वान गरेको थियो।
प्रदेशको नाम र स्थायी राजधानी तोक्न संसदको दुई तिहाई आवश्यक हुन्छ। १०७ सदस्यीय प्रदेश सभामा अहिले १०३ जना छन्। उक्त प्रस्ताव परित हुन ६९ जनाको समर्थन आवश्यक पर्छ।
प्रदेश सभामा जसपाका ५५ र माओवादी केन्द्रका ७ जना सांसद छन्।
प्रतिक्रिया