प्रतिनिधिसभाका उपसभामुख डा.शिवमाया तुम्बाहाङ्फेले आफू राजीनामा दिन तयार रहेको बताएकी छन्।
यसअघि सभामुखमा आफ्नो दाबी रहेको बताउँदै आएकी तम्बाहाङ्फेले सो अडान छाड्दै राजीनामाका लागि तयार भएको बताएकी हुन्। नेकपा अध्यक्षद्वय केपी ओली र प्रचण्डबीच सहमति हुँदासाथ आफूले राजीनामा दिने उनको भनाइ छ।
बिहीबार नै राजीनामाको तयारी भए पनि ओली र प्रचण्डबीच कुनै सल्लाह नभएपछि पार्टीको निर्णय पर्खेर मात्र नदिएको उनको भनाई उधृत गर्दै उनको सचिवालयले जनाएको छ।
‘सभामुख चयनमा म बाधक छैन। राजीनामा दिन तयार भएर बसेको छु’, तुम्बाहाङ्फेको भनाई उधृत गर्दै उनको सचिवालयले भन्यो’, आजको बैठक स्थगनमा मेरो राजीनामा कारक होइन।’
सभामुख रिक्त भएको तीन महिना वित्न लागेको र सभामुखको टुंगो नलागी उपसभामुखले पनि छाड्दा समस्या पर्ने देखेर आफूले राजीनामा नदिएको उनको भनाई छ।
सभामुख चयनमा सहमति नहुँदा संसदको शुक्रबार बोलाइको बैठक सूचना टाँसेर स्थगित गरिएको छ। अर्काे बैठक पुस १६ गतेलाई बोलाइएको छ।
प्रतिक्रिया