नेपाली लेग स्पिनर सन्दीप लामिछानेले सम्मिलित होबर्ट हरिकेन्सले जितका लागि १ सय ८४ रनको बलियो लक्ष्य पाएको छ।
अष्ट्रेलियामा जारी बिगबास लिग क्रिकेटमा हरिकेन्सले टस जितेर फिल्डिङ रोजेपछि ब्याटिङ गरेको मेलवर्न स्टार्सले निर्धारित २० ओभरमा ६ विकेटको क्षतिमा १ सय ८३ रनको विशाल योगफल तयार पारेको हो।
मेलवर्नका माक्युर्स स्टोईनिसले उत्कृष्ट पारी खेले। स्टोईनिस ९७ रनमा अविजित रहे। ५५ बलको सामना गरेका स्टोईसिनले ७ चौका र ७ छक्का प्रहार गरे।
आडम जम्पा शुन्य रनमा नटआउट रहे। हिल्टन कार्टराईट ३६, निकोलस पुरनले २६ र आन्द्रे फ्लेचरले १० रन जोडे।
बिगबास लिगमा दोस्रो खेल खेलिरहेका सन्दीपले आजको खेलमा १ विकेट लिएका छन्। छैटौ ओभरमा बलिङ गर्न आएका सन्दीपले ३ रन खर्चेका थिए। आफ्नो दोस्रो ओभरमा सन्दीपले ग्लेन म्यासवेलको विकेट लिए।
खेलको आठौं ओभरको दोस्रो बलमा सन्दीपले म्याक्सवेललाई ६ रनमा एलबी डब्लु आउट गरे। लामिछानेले आफ्नो स्पेलमा ३६ रन खर्चेर १ विकेट लिए। हरिकेन्सका लागि नाथल एलिसले ३ तथा रिले मेरिडिथले २ विकेट लिए।
हरिकेन्सले केहीबेरमा जवाफी ब्याटिङ गर्नेछ।
Shares
प्रतिक्रिया