युनिकोड
आयोजक क्यानभास बोर्डिङ स्कुलले शुक्रबार पत्रकार सम्मेलन आयोजना गर्दै ४ दिनसम्म चल्ने प्रतियोगितामा १६ टोलीको सहभागिता रहने जनाएको छ।
स्कुलका प्रिन्सिपल रमेशकुमार लिङदेनले विधार्थीहरुको प्रतिभालाई प्रोत्साहन गर्ने उदेश्यले इन्डोर क्रिकेट आयोजना गर्न लागेको बताए ।
‘हामीले सदैव खेलाडीहरुको क्षमताको प्रोत्साहनमा ध्यान दिने गरेका छौं,’ उनले भने, ‘विधार्थीहरुको प्रतिभा प्रमोट गर्न हामीले विगतदेखि नै लगानी गर्दै आएका छौं र आगामी दिनमा पनि लगानी गर्नेछौं।’
प्रतियोगिता रातोपुलस्थित नेपाल क्रिकेट एकेडमीमा हुने प्रतियोगिता संयोजक रविन्द्र गुप्ताले जानकारी दिए। लिग कम नकआउटका आधारमा हुने प्रतियोगितामा सहभागी १६ टोलीलाई ४ समूहमा विभाजन गरिएको छ। समूहको शीर्ष टिम सेमिफाइनलमा पुग्नेछन्।
प्रतियोगिताको विजेता र उपविजेतालाई ट्रफी मेडल र प्रमाणपत्र प्रदान गरिने आयोजकले जनाएको छ। यस्तै उत्कृष्ट खेलाडी, ब्याट्सम्यान र बलरलाई पनि ट्रफी प्रदान गरिने छ।
यस्तै उत्कृष्ट हुने ३ खेलाडीलाई वाईवाई ग्रेट हिमालय क्रिकेट एकेडमीमा ६ महिनाको निशुल्क प्रशिक्षणको व्यवस्था मिलाइएको आयोजकले जनाएको छ।
प्रतिक्रिया