विराटनगर सुपर किंग्सले पायो १२३ रनको लक्ष्य

लुम्बिनी अल स्टार्सले नेपाल टी २० लिगमा विराटनगर सुपर किंग्ससामु १ सय २३ रनको विजय लक्ष्य प्रस्तुत गरेको छ। 

कीर्तिपुरस्थित त्रिवि क्रिकेट मैदानमा टस जितेर ब्याटिङ गरेको लुम्बिनीले निर्धारित २० ओभरमा ८ विकेटको क्षतिमा १ सय २२ रनको योगफल तयार पारेको थियो। 

लुम्बिनीका लागि कप्तान दिपेन्द्र सिंह ऐरी ५० र गुल्सन झा ३ रनमा नटआउट रहे। ४२ बलको सामना गरेका दिपेन्द्रले ६ चौका हाने। 

कुशल भुर्तेल, ह्यारी टेक्टर र अनिल शाह समान १३ रनमा आउट भए। अन्य ब्याटरले दोहोरो अंकको स्कोर छुन सकेनन्। 

विराटनगरका लागि नन्दन यादव, सुर्य तामाङ र विवेक यादवले समान २ विकेट दिए। कोयन जोसेप र राज नन्ननले एक एक विकेट झारे।