युनिकोड
आज राति पहाडी भेगमा मौसम आंशिक बदली हुनेछ भने देशका बाँकी स्थानमा मौसम सामान्यतया सफा रहने छ।
तर प्रदेश नम्बर १ र गण्डकी प्रदेशको पहाडी क्षेत्रका एक वा दुई स्थानमा भने आज राति मेघगर्जन/चट्याङसहित क्षणिक वर्षाको सम्भावना मौसम पूर्वानुमान महाशाखाले जनाएको छ।
यसैगरी भोलि बुधबार अपराह्नपछि देशको पहाडी भेगका थोरै स्थानमा मेघ गर्जन/चट्याङसहित वर्षा हुने सम्भावना छ।
यसैगरी बुधबार राति पनि पहाडी क्षेत्रका एक वा दुई स्थानमा मेघगर्जनसहित वर्षाको सम्भावना छ।
मौसम पूर्वानुमान महाशाखाले मंगलबार साँझ ६ बजे आगामी २४ घण्टाका लागि चेतावनी तथा परामर्श जारी गर्दै भनेको छ : देशका पहाडी भूभागमा आंशिकदेखि सामान्य बदली भई अपराह्नपश्चात् पहाडी भूभागका थोरै स्थानमा मेघगर्जन/चट्याङसहित वर्षाको सम्भावना रहेकाले आवश्यक सतर्कता अपनाउन हुन अनुरोध छ।
प्रतिक्रिया