२०७२ सालको भूकम्पको बेला भागेका एक कैदी पक्राउ परेका छन्। भूकम्पका बेला सिन्धुपाल्चोक कारागारमा क्षति पुगेपछि भागेका एक कैदीलाई जिल्ला प्रहरी कार्यालय सिन्धुपाल्चोकले मंगलबार पक्राउ गरेको हो।
सुनकोशी गाउँपालिका १ का बिरबहादुर पहरीलाई अदालतले १७ वर्ष ७ महिना ३ दिन कैदको फैसला भएको थियो। तर कैद भुक्तान नगरी उनी त्यतिबेला भागेका थिए।
पहरीलाई गौवध मुद्दामा १२ वर्ष र थुनुवा र कैदी भागे भगाएको मुद्दामा ५ वर्ष ७ महिना ३ दिन गरि १७ वर्ष ७ महिना ३ दिन कैद सजाय तोकिएको छ।
उनलाई अदालतमा उपस्थित गराइ बाँकी कैद भुक्तानका लागि कारागार चलान गरिएको छ।
42
Shares
प्रतिक्रिया