युनिकोड
पोखरा महानगरपालिकाका थप ४ जना कोरोना भाइरसका संक्रमितको मृत्यु भएको छ।
पोखरा स्वास्थ्य विज्ञान प्रतिष्ठान, पश्चिमाञ्चल क्षेत्रीय अस्पताल अन्तर्गत कोभिड १९ उपचार केन्द्रमा उपचाररत पोखरा महानगरपालिकाका ४ जना संक्रमितको मृत्यु भएको प्रतिष्ठानका निर्देशक डा. अर्जुन आचार्यले जनाकारी दिए।
मृत्यु हुने चारै जना पुरुष रहेका छन्।
पोखरामा महानगरपालिका वडा नं. ९ का ६८ र वडा नम्बर १९ का ७५ वर्षीय पुरुषको बिहीबार राती र वडा नं. १७ का २९ र १३ का ५५ वर्षीय पुरुषको शुक्रबार बिहान मृत्यु भएको हो।
त्यस्तै पोखरामा २९ सहित गण्डकीमा थप ३८ जनामा कोरोना संक्रमण पुष्टि भएको छ। कोरोना पुष्टि हुने अन्य जिल्लामा लमजुङमा ७ र स्याङ्जामा २ रहेका छन्।
प्रतिक्रिया