ललितपुरको गोदावरी नगरपालिकाका प्रमुख महर्जन र उनकी पत्नीलाई कोरोना संक्रमण

ललितपुरको गोदावरी नगरपालिकाका प्रमुख गजेन्द्र महर्जन र उनकी श्रीमती गंगामायालाई कोरोना संक्रमण पुष्टि भएको छ।

यही असोज ६ गते उनीहरुले स्वाब संकलन गरेर राष्ट्रिय जनस्वास्थ्य प्रयोगशाला टेकु परीक्षणका लागि पठाउँदा शुक्रबार कोरोना संक्रमण पुष्टि भएको हो।

हाल आफूँहरु होम आइसोलेसनमा रहेको र गाह्रो भयो भने मात्र अस्पताल जाने निर्णय गरिएको प्रमुख महर्जनले बताए।

उनले भने, ‘मसँग सम्पर्कमा रहेर शंका लागेका हरेक व्यक्तिलाई तुरुन्त कोभिड परीक्षण गर्न अनुरोध गर्दछु।’

यसैगरी महालक्ष्मी नगरपालिकाका प्रमुख रामेश्वर श्रेष्ठ र उनकी श्रीमती दुवैमा पुनः दोस्रोपटक बुधबार कोरोना संक्रमण पुष्टिसहित नतिजा आएको छ। उनीहरु हाल दुवैले ग्वार्कोस्थित किष्ट मेडिकल कलेजमा उपचार गराइरहे श्रेष्ठले जानकारी दिए। रासस