युनिकोड
प्रदेश २ मा कोरोना संक्रमितको संख्या झण्डै ७ हजार पुगेको छ।
आइतबार पछिल्लो २४ घण्टामा ४३ जना महिलासहित १४४ जना कोरोना संक्रमित फेला परेका छन्। पर्सामा ६६, धनुषामा ३२, रौतहटमा २१, सर्लाहीमा १२, बारामा ६ र महोत्तरीमा ७ जना संक्रमित फेला परेको प्रदेश २ सामाजिक विकास मन्त्रालयका वरिष्ठ चिकित्सक डा. कमलेश प्रसाद यादवले जानकारी दिए।
आज भेटिएका संक्रमितसँगै प्रदेश २ मा कोरोना संक्रमितको संख्या ६ हजार ९ सय ६५ पुगेको छ।
डा यादवका अनुसार पछिल्लो २४ घण्टामा यस प्रदेशमा मृत्यु भएका २ जनामा काेराेना पुष्टि भएको छ। याेसँगै मृतककाे संख्या ४५ पुगेको छ।
यस्तै, मन्त्रालयले पछिल्लो २४ घण्टामा ६९ पुरुष र ६ महिला गरी ७५ जना उपचारपछि कोरोनामुक्त भएर घर फर्केका जनाएको छ।
प्रदेश २ का जिल्लाहरुमा कोरोना संक्रमण समुदायमै फैलिएपछि जोखिम बढेको छ। जोखिम न्युनिकरणको लागि प्रदेश २ का विभिन्न जिल्ला तथा स्थानीय तहमा लकडाउन समेत गरिएको छ।
प्रतिक्रिया