युनिकोड
आज पनि काठमाडौँ उपत्यकासहित देशका पहाडी क्षेत्रमा वर्षाको सम्भावना रहेको मौसमविद्ले बताएका छन्।
मौसम पूर्वानुमान महाशाखाका मौसमविद् समीर श्रेष्ठले दिएको जानकारीअनुसार आज दिउँसो कोशी, बागमती र गण्डकी प्रदेशका पहाडी क्षेत्रका थोरै स्थानमा मेघगर्जन/चट्याङसहित क्षणिक/हल्का वर्षा हुने सम्भावना देखिएको हो।
‘आज अपराह्नतिर काठमाडौँ उपत्यकामा पनि गड्यागुडुङ र हावाहुरीसहित क्षणिक/हल्का वर्षा हुने सम्भावना देखिएको छ’, उनले भने।
यस्तै आज राति पनि कोशी, बागमती, गण्डकी र सुदुरपश्चिम प्रदेशका पहाडी क्षेत्रका एक दुई स्थानमा मेघगर्जन÷चट्याङसहित क्षणिक/हल्का वर्षाको सम्भावना रहेको मौसम महाशाखाले जनाएको छ।
यसैबीच आज बिहान ५:४५ बजेको मापनअनुसार काठमाडौँ उपत्यकाको न्यूनतम तापक्रम ११ डिग्री सेल्सियस रहेको जानकारी पनि मौसमविद् श्रेष्ठले दिए। तर यो अहिले बिहान ८:४५ बजे अपडेट गरिनेछ भने त्यतिबेला मौसम महाशाखाले देशका अन्य स्थानका न्यूनतम तापक्रम विवरण पनि सार्वजनिक गर्नेछ।
प्रतिक्रिया