डोटीको बोगटानफुड्सिल गाउँपालिका–१ उल्टेपानीमा दुई साथीबीच आपसमा हानाहान हुँदा एक जनाको मृत्यु भएको छ।
आथीको कुटाइबाट स्थानीय ४९ वर्षीय धनबहादुर मगरको मृत्यु भएको प्रहरीले जनाएको छ।
जिल्ला प्रहरी कार्यालयका प्रहरी निरीक्षक रवीन्द्र चन्दका अनुसार स्थानीय टेकबहादुर मगरको घर छाएर खाना खाने क्रममा सोमबार ३२ वर्षीय मिलन मगर र धनबहादुरबीच विवाद भएको थियो। उनीहरु दुबै घर छाउने कामदार हुन्।
त्यसक्रममा मिलनको कुटाइबाट धनबहादुर गम्भीर घाइते भएका थिए। उनलाई उपचारका लागि दिपायल ल्याउँदै गर्दा बीच बाटोमै मृत्यु भएको चन्दले बताए।
कुटपिटमा संलग्न मिलनलाई प्रहरी चौकी चमराचौतराको टोलीले पक्राउ गरी अनुसन्धान अघि बढाएको प्रहरीले जनाएको छ। रासस
21
Shares
प्रतिक्रिया