युनिकोड
प्रधानमन्त्री केपी शर्मा ओलीको स्वास्थ्य ठीक रहेकाे उनका प्रमुख राजनीतिक सल्लाहकारले बताएका छन्।
प्रमुख राजनीतिक सल्लाहकार विष्णु रिमालले प्रधानमन्त्री ओलीको स्वास्थ्य अवस्था फेरि बिग्रिएको भन्दै केही सञ्चारमाध्यमले सम्प्रेषण गरेका समाचार निराधार भएकाे बताएका हुन्।
बिहीबार राति उनले सामाजिक सञ्जाल ट्विटमार्फत् सिंगापुरमा स्वास्थ्य परीक्षण गरेर स्वदेश फर्केलगत्तै सरकार र पार्टी कामको धपेडीले प्रधानमन्त्री ओली केही थकित हुनु भएकाले आज शुक्रबार बस्ने गरी हिजो बिहीबार बस्ने भनिएको नेकपा सचिवालय बैठक स्थगित गरिएको उल्लेख गरेका छन्।
सोही आधारमा अड्कलबाजी गरेर केही सञ्चारमाध्यमले गलत हल्ला फैलाएको उनको दाबी छ। प्रधानमन्त्री ओली आज बिहानैबाट नियमित भेटघाट र बैठकमा सहभागी हुने प्रमुख राजनीतिक सल्लाहकार रिमालले उल्लेख गरेका छन्।
प्रतिक्रिया