युनिकोड
नेपाली कांग्रेसको केन्द्रीय कार्यसमिति बैठक असोज १९ गते सोमबारका दिन राखिएको छ।
पार्टी कार्यालयका मुख्य सचिव कृष्णप्रसाद पौडेलका अनुसार पार्टीको आगामी १४औं महाधिवेशनको तयारीबारे छलफलका लागि डाकिएको सो बैठक पार्टीको केन्द्रीय कार्यालय सानेपामै हुनेछ।
पार्टीले बैठकमा सहभागी हुने सबैले बैठकअगाडि नै कोरोनाको पीसीआर परीक्षण गर्न अनिवार्य गरेको छ।
त्यसको व्यवस्था भने पार्टीको केन्द्रीय कार्यालयले नै गरेको छ।
‘त्यसका लागि पार्टीका केन्द्रीय पदाधिकारी, सदस्य एवं आमन्त्रित केन्द्रीय सदस्य तथा केन्द्रीय कार्यालयका कर्मचारीहरुले अनिवार्य रुपमा असोज १५ गते विहान ११ः०० देखि ३ः०० बजेसम्म पार्टी केन्द्रीय कार्यालयमा उपस्थित भई पीसीआर परीक्षण गराउनु हुन अनुरोध गरिन्छ,’ पौडेलले बताएका छन्।
प्रतिक्रिया