चन्दन रामको घातक बलिङमा एपीएफको चौथो जित दर्ता

चन्दन रामको घातक बलिङमा सुदूरपश्चिम प्रदेशलाई हराउँदै एपीएफ क्लबले प्रधानमन्त्री कप एक दिवसीय राष्ट्रिय क्रिकेट प्रतियोगितामा चौथो जित दर्ता गरेको छ।

प्रतियोगिताको सात खेलमा ४ खेलमा जित र ३ खेलमा हार व्यहोरेको एपीएफको फाइलनमा पुग्ने सम्भावना जिवितै छ। ४ जित निकालेको एपीएफ ८ अंकमा तालिकाको पाचौँ स्थानमा छ।

समान खेल र अकबाट सुदूरपश्चिम भने छैटौँ स्थानमा छ।

मंगलबार भएको खेलमा एपीएफले सुदूरपश्चिमलाई ३ विकेटले पराजित गरेको हो। सुदुरपश्चिमले दिएको ८८ रनको झिनो लक्ष्य एपीएफले १४.१ ओभरमा ७ विकेटको क्षतिमा भेट्टायो।

सन्दीप जोरा १८ र चन्दन राम शून्य रनमा नटआउट रहे। आशिफ शेखले १५ र भुवन कार्कीले १४ रन थपे। प्रदीप ऐरि १२ रन बनाउँदा एलबीडब्लु धरापमा परे।