युनिकोड
सत्तारुढ नेपाली कांग्रेसका शीर्ष नेताहरुको बैठक बस्दै छ ।
प्रधानमन्त्रीसमेत रहेका पार्टी सभापति शेरबहादुर देउवाको निजी निवास बूढानीलकण्ठमा शीर्ष नेताहरुको बैठक बस्न लागेको हो।
बूढानीलकण्ठ स्रोतकाअनुसार बैठक दिउँसो २ बजेका लागि बोलाइएको छ। बैठकमा क्रियाशील सदस्यता विवादबारे छलफल हुने बताइएको छ ।
साउन १४ गते बूढानीलकण्ठमा बसेको पदाधिकारी तथा पूर्वपदाधिकारी बैठकले विभिन्न जिल्लामा देखिएको क्रियाशील सदस्यता विवाद पाँच दिनभित्र टुंग्याउन शीर्ष नेताहरुलाई जिम्मेवारी दिएको थियो।
पदाधिकारी र पूर्वपदाधिकारी बैठकले जिम्मेवारी दिएको एक् दिनपछि बसेको शीर्ष नेताहरुको बैठकले मापदण्ड बनाएर क्रियाशील सदस्यता विवाद टुंग्याउने निष्कर्ष निकालेको थियो।
बैठकमा सभापति देउवा, वरिष्ठ नेता रामचन्द्र पौडेल र पूर्वमहामन्त्री कृष्णप्रसाद सिटौलासँगै सहमहामन्त्री डा. प्रकाशशरण महत, केन्द्रीय सदस्य रमेश लेखक र डा. मिनेन्द्र रिजाल सहभागी हुनेछन्।
प्रतिक्रिया