हङकङको विमानस्थलका एउटा कर्मचारीमा गरिएको प्रारम्भिक परीक्षणमा कोरोना संक्रमण देखिएसँगै एक रात लकडाउन गरिएको छ।
साउथ चाइना मर्निङ पोस्टका अनुसार विमानस्थलका ६४ वर्षीय एक कर्मचारीमा ओमिक्रोन भेरियन्टसहितको संक्रमणको भएको हुन सक्ने प्रारम्भिक नतिजा देखिएको थियो।
यससँगै १२ सयभन्दा धेरै मानिसमा कोरोना संक्रमणको परीक्षण गरिएको थियो। यद्यपि सबैको नतिजा नेगेटिभ आएको थियो।
शुक्रबार स्थानीय समयअनुसार बिहान सवा ६ बजेबाट नियमित उडान पुनः सुरु भएको समाचारमा उल्लेख छ।
बिहीबार हङकङको एक सफाइकर्मीमा कोरोना संक्रमण पुष्टि भएसँगै साढे ७ बजेदेखि लागू हुने गरी अनिवार्य कोरोना परीक्षणको नियम लगाइएको थियो।
हङकङमा नोभेम्बरको अन्तिममा पहिलोपटक ओमिक्रोन भेरियन्टसहितको संक्रमण देखिएको थियो। त्यसयता अहिलेसम्म हङकङमा ३४ जनामा कोरोना संक्रमण देखिएको छ। भेटिएका सबै संक्रमित बाहिरबाट आएका हुन्।
Shares
प्रतिक्रिया