पेजर विस्फोट हुँदा हिजबुल्लाहका ९ सदस्यको मृत्यु, सयौँ घाइते

म्यासेजमार्फत कुरा गर्न प्रयोग गरिने पेजर विस्फोट हुँदा लेबनानको सशस्त्र समूह हिज्बुल्लाहका कम्तीमा ९ जनाको मृत्यु भएको छ भने सर्यौँ सदस्य घाइते भएका छन्।

बीबीसीका अनुसार यस घटनामा कम्तीमा नौ जनाको मृत्यु भएको पुष्टि भएको छ। लेबनानको स्वास्थ्य मन्त्रालयले यस घटनामा हालसम्म २ हजार ७५० जना घाइते भएको जनाएको छ। तीमध्ये २ सय जनाको अवस्था चिन्ताजनक रहेको मन्त्रालयले जनाएको छ।

हिजबुल्लाहले यस आक्रमणको दोष इजरायललाई लगाएको छ। विज्ञप्ति जारी गर्दै हिजबुल्लाह समूहले यसको उचित सजाय दिने बताएको छ।