युक्रेनमा रुसको पछिल्लो आक्रमणमा चार जनाको मृत्यु भएपछि राष्ट्रपति भोलोदिमिर जेलेन्स्कीले आफ्नो देशले उचित जवाफ दिने बताएका छन्।
बीबीसीका अनुसार सोमबार रातिदेखि रुसले युक्रेनमा गरेको आक्रमणमा चार जनाको मृत्यु भएको छ भने १६ जना घाइते भएका छन्।
जेलेन्स्कीका अनुसरा रुसले हिजोदेखि युक्रेनी नागरिक र पूर्वाधारमा ९० हवाई आक्रमण गरेको छ। यी आक्रमणमा कम्तीमा ८१ ड्रोन, क्रुज मिसाइल र ब्यालिस्टिक मिसाइल प्रयोग गरिएका छन्।
उनले सामाजिक सञ्जालमा लेखेका छन्- रुसका वर्तमान र विगतका आक्रमणको जवाफ पक्कै हुनेछ। मानवता विरुद्धको अपराधमा छुट दिइने छैन।
युक्रेनको वायुसेनाले हिजोदेखि अहिलेसम्म पाँच रुसी मिसाइल र ६० ड्रोन खसालेको दाबी गरेको छ।
294
Shares
प्रतिक्रिया