संयुक्त राष्ट्रसङ्घीय बाल एजेन्सीका प्रवक्ताले गाजा बालबालिकाका लागि संसारको सबैभन्दा खतरनाक स्थान भएको बताएका छन्। प्यालेस्टिनी क्षेत्रबाट फर्केपछि त्यहाँको अवस्थामाथि आक्रोश व्यक्त गर्दै उनले यस्तो बताएका हुन्।
युनिसेफका प्रवक्ता जेम्स एल्डरले गाजामा करिब दुई साता बिताएपछि पत्रकार सम्मेलनमा भने, ‘सत्तामा रहनेहरूले दस लाख बालबालिकामाथि गरिएको मानवतावादी दुःस्वप्नबाट हिचकिचाएकामा म आक्रोशित छु।’
अक्टोबर ७ मा इजराइलमा हमासले गरेको हमलापछि गाजापट्टीमा इजराइली सेनाको बमबारी जारी रहँदा अंगभंग भएका बालबालिकाको अस्पतालहरूमा मृत्यु भएको विषय उनले उल्लेख गरेका छन्।
‘अरु पनि बालबालिका लुकेका छन् र तिनीहरूमाथि पनि निस्सन्देह हमला गरिने छ। आगामी दिनमा उनीहरूको अङ्गविच्छेद गरिनेछ भनेर हामीले कुरा गरिरहँदा मलाई ज्यादै रिस उठेको छ’, उनले भने।
अहिले पनि सबैभन्दा धेरै सुविधा भएको दक्षिणी गाजाको मुख्य सहर खान युनिसस्थित नासिर अस्पतालमा पछिल्लो ४८ घन्टामा दुई पटक हमला भएको उनले बताए।
‘यस अस्पतालले आफ्नो घरमा भएको आक्रमणमा नराम्ररी घाइते भएका ठूलो सङ्ख्यामा बालबालिकालाई मात्र नभएर सयौँ महिला र बालबालिकालाई सुरक्षित राखेको छ’, गाजामा हजारौँ बालबालिकाको मृत्युप्रति शोक प्रकट गर्दै उनले भने, ‘क्रिसमसका कारण बढ्दो बर्बरता र हमला हुने सम्भावना छ भन्दा रिस उठेको छ, किनकी संसार आफ्नै माया र सद्भावनाबाट विचलित भएको छ।’
उनले कपटले समानुभूतिलाई कुल्चिरहेको बताए। गाजाको अवस्थाबारे उनले भने, ‘अझ धेरै काम गर्न नसकेकामा म आफैँ क्रोधित छु।’
Shares
प्रतिक्रिया