गायक प्रकाश सपुतको नयाँ गीत ‘बदला बरिलै’को म्युजिक भिडियो सार्वजनिक भएको छ।
‘बोलमाया’ जस्तो कारुणिक र ‘गलबन्दी’ जस्तो चर्चित गीतका गायक सपुतको नयाँ गीत अपराध र बलात्कारजस्ता जघन्य सामाजिक अपराधको विरोधमा रहेको छ।
देवी घर्तीको स्वर रहेको गीतमा शब्द र संगीत सपुतकै रहेको छ। गीतको म्युजिक भिडयोको निर्दैशन पनि उनले नै गरेका छन्।
म्युजिक भिडियोमा अभिनेत्री केकी अधिकारी र ध्रुव कोइराला मुख्य भूमिकामा छन्। गायिका बन्न हिँडेकी एक युवतीमाथि भएको बलात्कार र त्यसको बदलामा गीत र भिडियो केन्द्रित रहेको छ। म्युजिक भिडियोमा हिउवाला गौतम, अर्जुन आचार्य, भद्र कुँवर, सन्ध्या गौतम बराल र दुई बालकलाकार समेत अभिनय रहेको छ।
भिडियोको छायांकन अनिल कृष्ण मानन्धर, सम्पादन प्रविन भट्टको सम्पादन रहेको छ।
अगस्ट १ मा सार्वजनिक भएको गीतको भिडियो २ गतेसम्ममा ५ लाखभन्दा बढीले हेरिसकेका छन्।
हेरौँ भिडियो
Shares
प्रतिक्रिया