फेरि १ लाख नाघ्यो सुनको मूल्य

सुनको मूल्य फेरि आकाशिएको छ।

गत हप्ता १ लाख ३ हजार ५ रुपैयाँसम्म पुगेको सुन ९५ हजारसम्म घटेको थियो। मंगलबार फेरि बढेर एक लाख नाघेको हो।

आज छापावाल सुनको मूल्य प्रतितोला १ लाख ४ सय रुपैयाँ कायम भएको सुनचाँदी व्यवसायी महासंघले जानकारी दिएको छ।

सोमबार ९८ हजार २ सय रुपैयाँमा कारोबार भएको थियो। त्यस्तै चाँदीको मूल्य पनि बढेको छ।

सोमबार प्रतितोला १ हजार ३ सय १५ रुपैयाँमा कारोबार भएको चाँदी मंगलबार १ हजार ३ सय ८० रुपैयाँ मूल्य कायम भएको हो।