युनिकोड
काठमाडौंको तीनकुनेस्थित कल सेन्टरबाट एक चिनियाँ नागरिकसहित ३४ जना पक्राउ परेका छन्।
पक्राउ पर्नेमा कल सेन्टरमा काम गर्ने अधिकांश नेपाली युवा युवती हुन्।
चिनियाँ नागरिकले लगानी गरेको कल सेन्टरबाट अवैध काम भइरहेको सूचनाका आधारमा त्यहाँ प्रहरीले छापा मारेको हो।
बरामद भएका सामानको अहिले मुचुल्का तयार भइरहेको काठमाडौं प्रहरी प्रमुख एसएसपी भरत बोहोराले बताए।
‘एक जना चिनियाँ अरु नेपाली रहेको सूचना आएको छ। भेरिफाइड गर्ने र बरामद सामानको मुचुल्का गर्ने काम भइरहेको छ’, एसएसपी बोहोराले भने।
त्यहाँ रहेका सम्पूर्ण कागजात र उपकरण प्रहरीले नियन्त्रणमा लिएर अनुसन्धान गर्ने बताए।
कलवाइपास लगायत अनलाइन ठगी भएको हुन सक्ने प्रहरीकाे अनुमान छ।
यसअघि पनि कल सेन्टरबाट गैर कानुनी गतिविधि सञ्चालन गरेको आरोपमा उपत्यका र अन्य जिल्लाबाट पनि प्रहरीले कल सेन्टरमा कार्यरत युवायुवतीलाई पक्राउ गरेको थियो।
चिनियाँ नागरिकले नेपालीका नाममा लगानी गरेर यस्तो गैर कानुनी गतिविधि गरेको पाइएको छ।
प्रतिक्रिया