बजाजले धनुषा वीरेन्द्र बजारमा नयाँ शोरुम सञ्चालनमा ल्याएको छ ।
रोयल अटो शोरुमका सञ्चालक जयाउल राइनको अध्यक्षता र गणेशमान चारनाथ नगरपालिकाका नगर प्रमुख राम बावु यादवको प्रमुख आतिथ्यमा भएको एक कार्यक्रमका बीच उक्त शोरुमको उद्घाटन गरिएको हो ।
कार्यक्रममा नगर प्रमुख यादवले रोयल अटो परिवारद्वारा खोलिएको शोरुमबाट यस क्षेत्रका स्थानीयहरुमा राम्रो सेवा पुग्ने बताउँदै उत्तरोतर प्रगतिको शुभकामना दिए । त्यस्तै बजाज कम्पनीको तर्फबाट सनी कुमारले बजाज कम्पनीले बजारमा ल्याएका विभिन्न ब्रान्डका मोटरसाइकलको विशेषता बारेमा जानकारी गराएका थिए ।
कार्यक्रममा गणेशमान चारनाथ नगरपालिकाका प्रमुख प्रशासकीय अधिकृत मित्र प्रसाद काफ्ले, वडा नम्बर १ का वडाध्यक्ष रामसुक यादव, वडा २ का रामचरित्र महतो, वडा ८ का गणेश सिंह महतो, वडानम्बर ११ का सत्यनारायण कुवर, क्षिरेश्वरनाथ उद्योग वाणिज्य संघका पूर्वअध्यक्ष रामजी सिंह, बुद्धिजीवी श्रीनारायण महासेठ, विकाउ राइनलगायतका अतिथिहरुको उपस्थिति रहेको थियो ।
प्रतिक्रिया