युनिकोड
प्रधानमन्त्री कप एक दिवसीय राष्ट्रिय पुरुष क्रिकेट प्रतियोगितामा वाग्मती प्रदेशले लुम्बिनी प्रदेशलाई २ सय २१ रनको लक्ष्य प्रस्तुत गरेको छ।
मुलपानी क्रिकेट मैदानमा टस जितेर पहिले ब्याटिङ गरेको वाग्मतीले निर्धारित ५० ओभरमा ९ विकेट गुमाएर २ सय २० रनको योगफल तयार पारेको थियो।
वाग्मतीलाई उच्च स्कोर बनाउन अदिल खान र इसान पाण्डेले अर्धशतकिय पारी खेले। ८७ बलको सामना गरेका खानले ३ छक्का र ५ चौका मद्दतमा ५५ रनको योगदान गरे। ५३ बलको सामना गरेका पाण्डेले २ छक्का र ४ चौका मद्दतमा ५१ रन जोडे।
पृथु बास्कोटाले २९, कप्तान ज्ञानेन्द्र मल्लले १४ रन जोडे। नन्दन यादव ११ र तिकल भण्डारी शून्य रनमा नटआउट रहे। अन्य ब्याट्सम्यानले दोहोरो अंकको स्कोर छुन सकेनन्।
लुम्बिनी प्रदेशका दिपेन्द्र रावत एक्लैले ३ विकेट लिए। किसन कार्की र सन्दिप सुनारले समान २ विकेट लिए। विक्रम भुसाल र अनिल खरेलको नाममा एक एक विकेट रह्यो।
प्रतिक्रिया