ईपीएलमा चितवनले काठमाडौंलाई हरायो

काठमाडौंमा जारी एभरेस्ट प्रिमियर लिगअन्तर्गत आजको पहिलो खेलमा चितवन टाइगर्सले काठमाडौं किंग्स ११ लाई तीन विकेटले पराजित गरेको छ।

कीर्तिपुरस्थित टीयू मैदानमा भएको खेलमा काठमाडौंले दिएको १४२ रनको लक्ष्य चितवनले ७ विकेट गुमाएर पूरा गरेको हो।

जितका लागि चितवनका ईशान पाण्डेले ४, महम्मद सेजादले १७, करिम जनतले २१, भीम सार्कीले ६, दिलिपनाथले २३, राजेश पुलामीले २६, सेकुगे प्रसन्नाले ५ र कमल ऐरीले २३ रन बनाए। चितवनले १७ रन एक्स्ट्रा पाएको थियो।

काठमाडौंका जनक प्रकाशले १ विकेट, जितेन्द्र मुखियाले २, गुल्सन झाले १, सन्दीप लामिछानेले १ र ¥यान बर्लले २ विकेट झारे पनि चितवन जित निकाल्न सफल रह्यो।

त्यसअघि काठमाडौंका रहमुल्लाह गुर्बाजले ५, सुवास खकुरेलले ३५, अमित श्रेष्ठले ६, राजु रिजालले २८, गुल्सन झाले ४, जनक प्रकाशले २६, अमर राउटेलाले ५, सिद्धान्त लोहनीले ८ र सन्दीप लामिछानेले ७ रनसहित चितवनलाई काठमाडौंले १४२ रनको लक्ष्य दिएको थियो।