कोरोनाविरुद्धको खोप लगाएका पाकिस्तानी प्रधानमन्त्रीलाई कोभिड–१९ को संक्रमण

पाकिस्तानी स्वास्थ्यमन्त्री फैजल सुल्तानले खानलाई कोरोना संक्रमण भएको  र उनी निवासमै आइसोलेसनमा बसेको जानकारी दिएका छन्।

गत बिहीबार मात्रै प्रधानमन्त्री खानले कोरोना भाइरसविरुद्धको चिनियाँ खोपको पहिलो खेप लिएका थिए।

पाकिस्तानका स्वास्थ्य मन्त्रालयका अनुसार ६८ वर्षका खान खोप लगाएको दुई दिनपछि नै कोरोना संक्रमित बनेका हुन्।

PM Imran Khan has tested positive for Covid-19 and is self isolating at home

— Faisal Sultan (@fslsltn) March 20, 2021

खान पछिल्लो समय धेरै बैठकहरुमा मास्क बिनै सहभागी पनि भएको बताइएको छ।

पाकिस्तानमा हालसम्म चीनका दुई खोप सिनोफार्म र कानसिनोबायोको खोप, अक्सफोर्ड–अस्ट्राजेनिकाको खोप र रुसको स्पुतनिक भी खोपले प्रयोगका लागि स्वीकृति प्राप्त गरेको छ।