ad ad

समाज


काठमाडौंबाट बाहिर जान थप कडाइ, दाहसंस्कारमा जानका लागि पनि पास अनिवार्य

काठमाडौंबाट बाहिर जान थप कडाइ, दाहसंस्कारमा जानका लागि पनि पास अनिवार्य

नेपालखबर
भदौ २५, २०७७ बिहिबार ११:४०,

जिल्ला प्रशासन कार्यालय काठमाडौंले बाहिर जाने सवारीलाई थप कडाइ गर्ने भएको छ।

यसअघि जारी गरिएको निषेध आदेशको अवधिमा पासबिनै अत्यावश्यक काममा जानेलाई सहजीकरण गर्ने गरेको भए पनि अब पासबिना कसैलाई पनि बाहिर जान पनि नदिने भएको हो।

प्रशासनले बिहीबार एक सूचना जारी गर्दै पास लिनका लागि सम्बन्धित व्यक्ति कार्यालयमा अनिवार्य उपस्थित हुनैपर्ने जानकारी गराएको छ। यसअघि दाहसंस्कारमा जाने, सरुवा भएर जाने कर्मचारी लगायतलाई पासबिनै सहजीकरण गरेर पठाउने गरिएको थियो।

तर अब उनीहरुले पनि पास लिनैपर्ने भएको छ। पास लिनका लागि अत्यावश्यक कामको प्रयोजन प्रस्ट खुल्ने कागजातका साथै गन्तव्य जिल्लाको प्रशासन कार्यालयको अनुमति पत्र तथा जाने स्थानको स्थानीय तहको सिफारिससमेत लिएर निवेदन दिनुपर्ने छ।

तोकिएका अत्यावश्यक काम बाहेककालाई सवारी पास जारी नगर्ने पनि प्रशासनले जनाएको छ।

राजधानीको अवस्था सामान्यतर्फ लैजानका लागि बाहिरबाट हुने आवतजावतलाई भने थप कडाइ गरिएको हो।

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क


+977 9851081116
[email protected]
Copyright © 2021 Nepalkhabar. All Rights Reserved. Designed byCurves n' Colors. Powered by .