काठमाडौँ उपत्यकामा पछिल्लो २४ घण्टामा थप ६ जनामा कोरोना भाइरसको संक्रमण पुष्टि भएको छ।
सोमबारको स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा. जागेश्वर गौतमले ललितपुरका ३, काठमाडौँका ३ जनामा कोरोना पुष्टि भएको बताए।
प्रवक्ता गौतमका अनुसार पाटन अस्पतालमा ललितपुरका ३, त्रिवि शिक्षण अस्पतालमा काठमाडौँका १, स्टार अस्पताल सानेपा ललितपुरमा काठमाडौँका २ जनाको पीसीआर रिपोर्ट पोजिटिभ आएको हो।
योसँगै नेपालमा पछिल्लो २४ घण्टामा १३९ जनामा कोरोना पुष्टि भएको छ।
प्रवक्ता गौतमका अनुसार याेसँगै नेपालमा सक्रिय संक्रमितको संख्या ४ हजार ९५० रहेको छ।
नेपालमा पछिल्लो २४ घण्टामा थप ६२६ जनाकोरोना संक्रमित निको भएर घर फर्केका छन्।
योसँगै नेपालमा कोरोनामुक्त हुनको संख्या १३ हजार ७५४ रहेको छ।
नेपालमा कोरोना निको हुनेको प्रतिशत ७४.३५ रहेको छ।
Shares
प्रतिक्रिया