युनिकोड
पश्चिम नवलपरासीमा आज (आइतबार) साँझ स्थानीय बासिन्दा र सशस्त्र प्रहरीबीच झडप भएको छ। त्यस क्रममा प्रहरीले ४ राउन्ड हवाइ फायर गरेको छ।
अघि साँझ करिब ६ बजेतिर प्रतापपुर गाउँपालिका-५ बसैयास्थित दशगजामा झडप भएको प्रहरीले जनाएको छ।
भारतबाट एक महिलाले रासायनिक मल ल्याउँदै गर्दा सशस्त्र प्रहरीले रोकेको थियो। त्यसपछि स्थानीय सशस्त्र प्रहरीलाई नै ढुंगामुढा गर्न थालेपछि स्थिति नियन्त्रणमा लिन ४ राउन्ड हवाई फायर पनि भएको जिल्ला प्रहरी कार्यालयका एसपी अजय केसीले जानकारी दिएका छन्।
उनका अनुसार झडपमा ६ जना सशस्त्र घाइते भएका छन्। उनीहरूलाई उपचारका लागि पृथ्वी चन्द्र अस्पतालमा लगिएको छ। ४-५ जना स्थानीय पनि घाइते भएको बताइएको छ।
अहिले स्थिति नियन्त्रणमा आइसकेको प्रहरीले जनाएको छ। यस विषयमा भाेलि स्थानीय जनप्रतिनिधिसहितकाे छलफल गरिने बताइएकाे छ।
प्रतिक्रिया