सुदूरपश्चिममा बुधवार थप पाँच जनामा कोरोना संक्रमण पुष्टि भएको छ।
धनगढीमा गरिएको परीक्षणमा कैलालीका ३ र डोटीका २ जनामा कोरोना संक्रमण पुष्टि भएको सेती प्रादेशिक अस्पतालका सूचना अधिकारी दिलिपकुमार श्रेष्ठले बताए।
उनका अनुसार कैलालीको गौरीगंगा नगरपालिकाका २० र २५ वर्षीय पुरुष, धनगढी उपमहानगरपालिका–५ का ५१ वर्षीय पुरुष, डोटीको पुर्वीचौकी गाउँपालिकाका २२ र २५ वर्षीय पुरुषमा कोरोना संक्रमण पुष्टि भएको हो।
‘आज संक्रमितमध्ये एक जना सेती अस्पतालको आइसोलेसन मै छन्, अन्य सम्बन्धित ठाउँमै रहेका छन्,’ उनले भने।
यो संगै सुदूरपश्चिममा कोरोना संक्रमितको संख्या ७८ पुगेको छ।
तीमध्ये ७ जना निको भएर घर फर्किएका छन् भने एक जनाको मृत्यु भएको छ।
सुदूरपश्चिममा कोरोना संक्रमित संख्या दिनप्रतिदिन बढ्दै गए पनि उनिहरुको उपचारका लागि राख्ने आइसोलेसन अभाव हुदा व्यवस्थापनमा समस्या थपिएको छ।
प्रतिक्रिया