स्वास्थ्य तथा जनसंख्या मन्त्रालयले मंगलबार नवलपरासीमा एक जनामा कोरोना संक्रमण पुष्टि भनेर भनेकाे महिलाको घर रूपन्देही र अहिले उनी काठमाडौंमै रहेको खुलेको छ।
नवलपरासी (बर्दघाट सुस्ता पूर्व) स्वास्थ्य कार्यालयले बुधबार बिहान विज्ञप्ति जारी गरी २४ वर्षीया ती महिलाको घर रूपन्देहीको कोटिहवा भएको र उनी त्यहाँबाट वैशाख १९ गतेदेखि नवलपरासीको देवचुली नगरपालिका वडा नम्बर २ स्थित माइती घर आएर बसेको जानकारी दिएको हो।
त्यहाँबाट पनि उनी वैशाख २९ गते श्रीमानसँग मोटरसाइकलमा काठमाडौं आएको विज्ञप्तिमा उल्लेख छ।
विज्ञप्तिअनुसार त्यसपछि ती महिलाले यही जेठ ५ गते स्वाब परीक्षणका लागि दिएकी थिइन् भने भाेलिपल्ट अर्थात् जेठ ६ गते उनकाे काेराेना पाेजिटिभ रिपाेर्ट आएको हाे।
अहिले उनकाे कन्ट्याक्ट ट्रेसिङ भइरहेकाे नवलपरासी बर्दघाट सुस्ता पूर्व स्वास्थ्य कार्यालयले जानकारी दिएकाे छ।
हेराैँ विज्ञप्ति:
प्रतिक्रिया