ज्याक माले आफ्नो फाउन्डेसन ‘ज्याक मा फाउन्डेसन’ र आफ्नो कम्पनीको ‘अलिबाबा फाउन्डेसन’मार्फत इटलीलाई ५ लाख मास्क प्रदान गरेको सिन्ह्वाले जनाएको छ।
चीनपछि कोरोना भाइरसबाट सबैभन्दा ग्रस्त मुलुक इटली हो। ज्याक माले मास्कहरु एक कार्गो विमानमा पठाएका थिए।
उक्त विमान बेलिजियममा अवतरण गरिसकेको र त्यहाँबाट ट्रकले मास्कहरु इटली लाने जनाइएको छ।
ज्याक माले शुक्रबार पनि अमेरिकालाई ५ लाख स्वास्थ्य सामाग्री सहयोग गरेका थिए।
इटलीमा हालसम्म कोरोनाबाट १७ हजार ६६० संक्रमित बनेका छन्। त्यहाँ १२ सय ६६ को मृत्यु भइसकेको छ।
"Vanish, o night! At dawn, I will win!"
China's Jack Ma Foundation and Alibaba Foundation mount posters of Puccini's "Nessun dorma" on a package containing 500,000 face masks and send it to Italy #COVID19 https://t.co/634ZwI4J3l pic.twitter.com/YDYRYPkeDN
चीनमा भने कोरोनाबाट संक्रमित र मृतकको दर घट्दै गएको छ। चीनले कोरोनाको प्रभाव चीनमो अन्त्य भएको घोषणा गरिसकेको छ।
यसबीचमा इटली भने कोरोनाबाट थप प्रभावित बन्दै गएको छ। हाल इटलीका सबै ६ करोड नागरिकलाई घरबाट निस्कन दिइएको छैन। शैक्षिक संस्था, खेलकुदका गतिविधि सबै ठप्प छन्।
चिनियाँ राष्ट्रपति सी चिनफिङले आज शनिबार नै इटलीलाई कोरोनाविरुद्धको अभियानमा सहयोग गर्ने प्रतिबद्धता व्यक्त गरेका छन्।
शुक्रबार मात्र चीनले आफ्ना ९ विज्ञको टोलीसहित २० टन स्वास्थ्य सामाग्री इटली पठाएको थियो।
प्रतिक्रिया