धुलिखेलमा पहिरोले रुख ढाल्दा बिजुलीको तार छिन्यो, अरनिको राजमार्ग अवरुद्ध

धुलिखेलमा पहिरोसहितको रुख सडकमा सस्दा यातायात अवरुद्ध भएको छ। 

धुलिखेल नगरपालिका- ७ फोहोर फ्याक्ने डम्पिङ साइट नजिकै अरनिको राजमार्गमा पहिरो खस्दा सडक अवरुद्ध भएको जिल्ला प्रहरी कार्यालय काभ्रेले जनाएको छ।

सडकभन्दा  माथिबाट पहिरो सहित खसेको रुखले बिजुलीको तारसमेत चँडाएको छ। 

पहिरोको कारण सडकमा अहिले एकतर्फी मात्रै गाडी चलेका छन्। 

घटनास्थलमा जिल्ला प्रहरी कार्यालय काभ्रेको टोली, नेपाली सेना र विद्युत् प्राधिकरणका कर्मचारी  खटिएका छन्।