सशस्त्र प्रहरी बल (एपीफ)को टोलीले अवैध रुपमा भारतबाट नेपाल ल्याइँदै गरेको झण्डै दुई लाख बराबरको कस्मेटिक सामान बरामद गरेको छ।
शनिबार रौतहटको गौर नगरपालिका ४ स्थित कबिर चोकबाट भारतबाट नेपाल ल्याउँदै गरेको एक लाख ८१ हजार रुपैयाँ बराबरको चोरी पैठारीको कस्मेटिक सामान बरामद गरेको छ।
सशस्त्र प्रहरी बल नेपाल बोर्डर आउट पोस्ट गौरबाट खटिएको एपीएफ टोलीले सो बरामद गरेको हो। बरामद सामान एपीएफ टोलीले गौर भन्सार कार्यालयमा बुझाएको छ।
यसैगरी सशस्त्र प्रहरी बल नेपाल नम्बर ८ गण हेक्वा धनुषाबाट खटिएको एपीएफ टोलीले माघ १२ गते करीव एक लाख ६१ हजार रुपैयाँ बराबरको चोरी पैठारीको लत्ताकपडा बरामद गरेको छ।
ज ८ प ५५७४ नम्बरको मोटरसाइकलमा भारतबाट अवैध रुपले भन्सार छली नेपालतर्फ ल्याउँदै गरेको उक्त लत्ताकपडा एपीएफ टोलीले धनुषा जिल्लाको जनकपुर उपमहानगरपालिका १६ स्थित कपिलेश्वर ईलाकाबाट बरामद गरेको हो।
Shares
प्रतिक्रिया